Plantun de Prouvènço

Pèr coumpara dos planto d'encò nostre

Chrysopogon gryllus & Grimmia orbicularis

Chrysopogon gryllus

Poaceae Graminaceae

Nom en français : Chrysopogon.

Descripcioun :
Aquéu gramenum trachis en mato dins li sablo e marlo bagnado l'ivèr. Fai de làrgis enflourejado à ramo primo que s'acabon emé tres espigueto. La dóu mitan es ermafroudito e longamen barbudo au contro di dos autro, masclo o esterlo, sus si coustat (fotò). Se recounèis peréu à si péu daura qu'engalanton belamen lis espigueto vióuleto. S'avès vist tout acò, i'a pas trop pèr s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,3 à 1,2 m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Chrysopogon
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) flour : 5 à 8 mm
Flourido : Printèms - Estiéu

Sòu : Si (Ca)
Autour basso e auto : 0 à 600 m
Aparado : Noun
Jun à juliet

Liò : Tepiero sablouso - Tepiero marlouso
Estànci : Mesoumediterran
Couroulougi : Éurousiberiano-Sud
Ref. sc. : Chrysopogon gryllus (L.) Trin., 1820 (= Andropogon gryllus L. )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.